Dukë u përballur me pasiguri mes papunësisë rekord dhe një rënie ekonomike, ato po përkrahin jetën pa fëmijë
Shkrimtarja Chai Wanrou mendon se martesa është një institucion i padrejtë. Ashtu si shumë gra të reja në Kinë, ajo është pjesë e një lëvizjeje në rritje që parashikon një të ardhme pa burrë dhe pa fëmijë, duke i paraqitur qeverisë një sfidë.
Qeveria e Kinës theksoi vitin e kaluar nevojën për një kulturë të re të martesës dhe lindjes së fëmijëve”, pasi popullsia e Kinës ra për të dytin vit radhazi dhe lindjet e reja arritën në nivelet më të ulëta historike.
“Shumë njerëz që bëjnë sakrificë në martesë, veçanërisht shumë gra, sakrifikojnë karrierën e tyre dhe veten. Por ato nuk marrin ndonjë feedback, ato nuk janë të lumtura. Por ka shumë gra që bëjnë llogaritë dhe kuptojnë se martesa nuk është aq e mrekullueshme, kështu që nuk ka nevojë të martohen. Dhe një tjetër arsye është se në këto kohë, nuk është as e lehtë për dikë që të jetojë një jetë të mirë vetëm.”
Kryeministri kinez Li Qiang gjithashtu u zotua të punojë drejt një shoqërie miqësore me lindjen dhe të rrisë shërbimet e kujdesit për fëmijët në raportin e punës së qeverisë së këtij viti.
Partia Komuniste e sheh familjen bërthamore si themelin e stabilitetit social, me nënat e pamartuara të stigmatizuara që i mohohen përfitimet. Por një numër në rritje i grave të arsimuara, duke u përballur me pasiguri të paprecedentë mes papunësisë rekord dhe një rënieje ekonomike, po përkrahin jetën pa fëmijë dhe burra.
Popullsia beqare e Kinës mbi 15 vjeç arriti një rekord prej 239 milionë në vitin 2021, sipas të dhënave zyrtare. Regjistrimet e martesave u rritën pak vitin e kaluar për shkak të pandemisë, pasi arritën nivelet më të ulëta historike në vitin 2022. Një studim i Lidhjes Rinore Komuniste të vitit 2021 zbuloi se 44% e grave nuk planifikojnë të martohen.
“Që kjo gjeneratë të sigurojë nevojat bazë për fëmijët e tyre, si t’i çojë fëmijët përpara dhe të ofrojë arsimin e duhur, kjo nuk do të jetë kurrë e mjaftueshme. Ajo që është edhe më e rëndësishme është të jenë në gjendje të japin vërtet atë dashurinë e nevojshme për fëmijët e tyre, dhe ajo që nënkupton kjo dashuri është respekti. Dhe ata duhet të respektojnë liritë e fëmijës dhe individualitetin e tyre. Unë nuk kam bërë përgatitje të mjaftueshme për këtë lloj jete.”
Martesa, megjithatë, konsiderohet ende si një moment historik në Kinë dhe përqindja e të rriturve që nuk martohen kurrë mbetet e ulët. Por në një shenjë tjetër të rënies së popullaritetit të saj, shumë kinezë nuk martohen me moshën mesatare të martesës së parë që rritet në 28.67 në 2020 nga 24.89 që ishte në 2010, sipas të dhënave.
Pas dekadash përmirësimi të niveleve të arsimimit të grave, pjesëmarrjes së fuqisë punëtore dhe lëvizshmërisë sociale, autoritetet kineze tani përballen me një dilemë pasi i njëjti grup grash janë bërë gjithnjë e më rezistente ndaj propagandës së tyre.
Të jesh beqar/e në Kinë tanimë po bëhet një trend në Kinë, ku shumë gra kanë krijuar komunitete në internet që kërkojnë solidaritet nga njerëz që ndajnë të njëjtin mendim. Postimet me hashtags “Pa martesë, pa fëmijë” nga femrat me ndikim shpesh në të tridhjetat ose të dyzetat fitojnë rregullisht mijëra pëlqime.
Një forum kundër martesës në Douban, një tjetër platformë e mediave sociale, ka 9,200 anëtarë, ndërsa një tjetër dedikuar “singleizmit” ka 3,600 anëtarë që diskutojnë planet kolektive të daljes në pension, ndër tema të tjera.
“Mendoj se është e kotë të flasim vetëm për këtë lloj problemi. Është me të vërtetë se nuk ka shumë lumturi të lidhur me martesën dhe të kesh fëmijë. Shkaku kryesor është se njerëzit ndjejnë se tashmë ka mjaft presion në jetën e tyre dhe nuk ka asnjë mënyrë që të përballojnë barrën e rritjes së familjes dhe fëmijëve, kështu që ata zgjedhin të mos kenë fëmijë. Por ne duhet të konsiderojmë të punojmë dhe të promovojmë zhvillimin e mëtejshëm social, punësimin dhe zhvillimin ekonomik. Dhe nëse promovojmë zhvillimin shoqëror, atëherë mund të ketë një atmosferë besimi në shoqëri, dhe se njerëzit do të jenë plot shpresë për të ardhmen, kështu që në atë moment ata mund të jenë më të motivuar për të pasur fëmijë.”
Shumë gra kohët e fundit kanë shprehur zhgënjimin me dinamikën patriarkale të familjes kineze dhe mungesën e partnerëve meshkuj të shkolluar si faktorët kryesorë pas vendimit të tyre për të qëndruar beqarë dhe pa fëmijë.
Barazia gjinore gjithashtu luan një rol: të gjitha gratë thanë se ishte e vështirë të gjesh një burrë që vlerësonte autonominë e tyre dhe besonte në ndarjen e barabartë të punës shtëpiake.
“Nëse ka barazi të vërtetë gjinore, atëherë kjo mund të çlirojë fuqinë e vërtetë të shumë grave. Dhe kjo fuqi mund të investohet në fuqinë punëtore dhe në promovimin e zhvillimit të mëtejshëm shoqëror. Gjithashtu mund të çrrënjosë vlerat tradicionale dhe mendësitë e burrave dhe se ata nuk duhet të jetojnë nën një presion kaq të madh nga familjet e tyre.”
Edhe pse disa analistë besojnë se numri i njerëzve që mbeten beqarë gjatë gjithë jetës nuk do të rritet në mënyrë eksponenciale në të ardhmen, martesat e vonuara dhe rënia e fertilitetit ka të ngjarë të përbëjnë një kërcënim për qëllimet demografike të Kinës./O.S
