“Kthehet” Berisha, ikën Basha

113 563 lexime

124,178FansaPëlqeje

Parlamenti

 

Pas marrëveshjes mes Partisë Socialiste dhe Rithemelimit më 15 mars, deputetët që mbështesin Berishën i janë kthyer dje jetës parlamentare, ndërsa ata që nuk kanë marrë pjesë në asnjë komision janë deputetët e Lulzim Bashës. Rikonfigurimi i ri i opozitës tashmë duket se ka nxjerrë jashtë loje “votat e arta” të grupimit Basha.

 

Efektet e marrëveshjes mes PS-së dhe Grupit të Rithemelimit të Berishës u ndjenë ditën e djeshme në komisionet parlamentare. Marrëveshja e dakordësuar pasditen e 15 marsit filloi zbatimin këtë të hënë në komisionet parlamentare. Opozita u ul në karriget që kishte braktisuar për afër pesë muaj për të filluar punën aty ku është mazhoranca. Por marrëveshja e arritur nuk i ka kënaqur të gjitha palët, madje mëri ndaj këtij akti kishte brenda vetë opozitarëve. Lulzim Basha me të vetët munguan në punën e komisioneve parlamentare.

Të pafuqi nga numri i deputetëve mbështetës, Basha dhe të tijët nuk ndihen më të rëndësishëm sidomos për ligjet që kërkojnë shumicë të cilësuar votash. Megjithatë edhe brenda Rithemelimit ka qëndrime kundër marrëveshjes. Ata deputetë që përkrahin Rithemelimin treguan ironi ndaj marrëveshjes duke e lidhur atë me resortet që mund të ndërtohen në Sazan nga dhënderri i Donald Tramp. “Për mua është fake e pastër. Pse? Sepse kjo ishte loja.

Marrëveshja u bë në Tiranë, tymi doli në Sazan. Tani të bëjmë sikur nuk ka ndodhur asnjë gjë gjatë këtyre 5 muajve dhe në 18 mars të vijmë në komisionin e ligjeve dhe të fshijmë këto 5 muaj me gjëra të rënda që kanë ndodhur në cenimin e së drejtës. Do mundohem për të gjithë zotërinjtë e komisionit t’ja bëj të qartë të gjithëve që ky kthim në normalitet është një gjë që duhet ndodhte që në 5 tetor 2023 që mazhoranca e bëri me kokëfortësi. Kjo marrëveshje që u arrti mes maxhorancës e opozitës është fake i pastër”, tha Dashnor Sula.

Lexo edhe :  Rama në Milano: Ju jeni përbashkuesit kryesorë në dy brigjet e Adriatikut

Mbledhja e Komisionit të Ligjeve dëshmoi mallin që opozitarët kishin krijuar gjatë këtyre muajve mosbindje civile pasi për 200 minuta diskutuan një rend dite që në të shkuarën kalonte për më pak se një orë. “Ore shumë mirë që keni ardhur se do të debatojmë, shumë mirë keni bërë, por ama të debatojmë me gjera konkrete.

Ju nuk mund të thoni gjëra dhe t’i vendosni në gojën e njerëzve”, tha Toni Gogu. “Nuk jemi fasadë e incenratorëve siç ju keni qenë. Ju kanë marrë me autobus, ju çuan atje që mos të fshihen mali i korrupsionit”, tha Gazment Bardhi. “Unë e di që ju duhet pak kohë që të përshtateni me modalitetin e një debati parlamentar sepse normal vijnë nga një aksion opozitar që ka ndodhur në rrugica”, iu përgjigj nënkryetari i Grupit të PS. “Ju si grup parlamentar bëni aksione për të fshehur malin e korrupsionit ne si opozitë bëjmë aksione për të denoncuar malin e korrupsionit”, ia ktheu Bardhi.

Ky debat u zhvillua për aktin normativ të qeverisë që ndryshoi buxhetin e vitit 2024, të cilin opozita e votoi kundër dhe maxhoranca dha kartonët jeshil për t’ia përcjell seancës plenare për votim. Ndërsa jashtë këtij debati 200 minutësh qëndruan demokratët e Lulzim Bashës, të cilët duket se nisën mosbindjen e tyre civile pasi opozitën konstruktive nisi ta bëj Rithemelimi.

Të fundit

‘Me i pas dy jetë ti kisha dhënë ty’, publikohet kënga e Kombëtares përpara ‘Gjermani 24’

Më shumë se një këngë, himni që do shoqërojë Kombëtaren në finalet e Europainit 2024 është një mesazh i...

Nuk e fitoi dot “BBV3”, rrëfehet si asnjëherë më parë Jul Deda, zbulon gabimin që bëri

Julian Deda ishte këtë të enjte në “Ftesë në 5” ku ka folur “shtruar” për eksperiencën e tij në Big Brother Vip, të cilës...

Kuvendi i hap dritën jeshile ngritjes së komisionit anti-SPAK

Komisioni i Posaçëm Antikorrupsion u miratua në Kuvend në seancën e së enjtes. Komisioni u miratua me 74 vota pro, teksa 12 ishin kundër...

Pse nuk i kemi adresat si e gjithë Evropa…?!

Nga Ben Andoni Identifikimi i adresës sime personale në Tiranë është gati po ai i vjetri me përjashtimin e vetëm, që emri i rrugës ka...

Vota e Diasporës/ Celibashi: Nga pikëpamja teknike është e garantuar

Kreu i KQZ, Ilirjan Celibashi ka deklaruar se nga pikëpamja teknike vota e emigrantëve është e garantuar. Në një intervistë televizive, Celibashi është shprehur se...

Lajme të tjera

Web TV