Një prej të arrestuarve 25-vjeçare ishte ‘truri’ i rrjetit të prostitucionit. Vajzat e mitura shfrytëzoheshin për prostitucion në hotele në qendër të Athinës.
25-vjeçarja, sipas mediave greke është arrestuar edhe për trafik droge bazuar në urdhër-arrestin e lëshuar ndaj saj. Prej verës së vitit të shkuar, ajo kishte rekrutuar 7 vajza të mitura, të cilat kishin mbushur moshën 14 vjeçe.
Pasi ishte miqësuar me to i kishte futur në rrjet duke lehtësuar takimet me klientët me qëllim shfrytëzimin seksual të tyre në hotele në qendër të Athinës. 25-vjeçarja merrte një pjesë të parave nga takimet dhe shpeshherë i shoqëronte vetë në pikat e takimit. Në disa raste i furnizonte të miturat edhe me lëndë narkotike.
Dy prej të arrestuarve të tjerë, një 25-vjeçar dhe një 54-vjeçar mbështesnin transportin dhe dërgimin e vajzave në hotele me mjetet e tyre.
Në kuadër të operacionit, policia greke ka sekuestruar pamje nga kamerat e sigurisë në hotelet që frekuentonin të miturat si dhe ka sekuestruar sasi lënde narkotike./O.S
