Itali/ Ngarkesa 1 ton shkëputet nga vinçi dhe zë poshtë shqiptarin , humb jetën në vend

113 563 lexime

124,178FansaPëlqeje

Një shqiptar 52-vjeçar ka humbur jetën në Itali ditën e sotme pasi një ngarkesë me materiale elektrike, me peshë rreth një ton, u shkëput nga vinçi ku ishin ngarkuar dhe e zuri poshtë.

Shqiptari i identifikuar si Nazmi Morina, baba i 4 fëmijëve, humbi jetën sot rreth orës 17:30 teksa punonte në kantierin e shtëpisë së moshuarve Orzivecchi.

Sipas mediave italiane, ai ishte punonjës i Aurora Costruzioni të Orzinuovit dhe po merrej me shkarkimin e disa materialeve energjitike të ngarkuara në vinç, që do të përdoreshin për rikonstruktimit të sistemit elektrik dhe ndriçimit në shtëpinë e të moshuarve.

Në momentin e shkarkimit rripat që mbanin ngarkesën janë shkëputur dhe ngarkesa i ka rënë sipër 52-vjeçarit shqiptar.

Ai u gjet i vdekur nga një koleg i tij, i cili më njoftoi autoritetet.

Prokuroria ka hapur një hetim për vrasje nga pakujdesia, si dhe zona e kantierit, vinçi dhe materialet e ngarkuara janë tashmë nën sekuestrim.

Me origjinë nga Kosova, Nazmi Morina kishte gati 20 vjet që jetonte në zonën e Breshias, ku dhe kishte ndërtuar një të ardhme dhe një familje. Ai jetonte në Rudiano me gruan dhe 4 fëmijët e tij të vegjël./e.t

Të fundit

E vetmja gjë qesharake në fushatën e Berishës është LaCivita

Mero Baze Sali Berisha ka bërë plot fushata serioze në historinë e tij 35-vjeçare. Ka bërë fushata të varfra, por me...

Nis zyrtarisht procesi i votimit, 5225 qendra votimi do jenë hapur deri në orën 19:00

Sot, më 11 maj 2025, qytetarët shqiptarë i janë drejtuar kutive të votimit për të zgjedhur përfaqësuesit e tyre në Parlamentin e ri. Procesi...

Shqipëria drejt Europës/ Fletët e votimit në Zapod të Kukësit shpërndahen me mushka

Në zonën malore të Zapodit, në Bashkinë Kukës, procesi i shpërndarjes së materialeve zgjedhore për zgjedhjet parlamentare të 11 majit është bërë në kushte...

Parashikimi i motit për sot, 11 maj 2025

Do të vijojnë masat ajrore të ngrohta dhe të lagështa duke sjellë në territorin Shqiptar mot kryesisht të kthjellët dhe vranësira të shpeshta të...

“El Clasico” e së dielës/ Superkompjuteri, asnjë shans për Realin e Madridit

“El Clasico” e së dielës është praktikisht një finale, veçanërisht nëse Barça fiton. Të besuarit e Ançelotit do të synojnë të sulmojnë në “Montjuiç”...

Lajme të tjera

Web TV