Më 8 prill NASA pritet të lëshojë 3 raketa pasi në këtë datë do të ndodh Eklipsi i plotë Diellor. Ky projekt ka si qëllim të minimizojë problematikat në jonosferën e Tokës, të cilat shkaktohen kur Hëna eklipson përkohësisht Diellin.
Raketat do të lëshohen në tre kohështrirje të ndryshme, 45 minuta para, gjatë dhe e treta, 45 minuta pas ekslipsit. Nisja e tyre do të bëhet nga një port kozmik në Virxhinia, të ngjashme me ato që NASA i lëshoi tetorin e kaluar nga New Mexico.
Aroh Barjatya, udhëheqës i misionit dhe profesor i fizikës inxhinierike në Universitetin Aeronautik Embry-Riddle, në Florida u shpreh se: “Është një rajon i elektrizuar që reflekton dhe thyen sinjalet e radios, dhe gjithashtu ndikon në komunikimet satelitore ndërsa sinjalet kalojnë”.
Eklipsi i plotë Diellor ka efekte negative në Tokë. Ai mund të rrezikojë kafshët, mjedisin, motin, e rrjedhimisht edhe njeriun. Ekspertët këshillojnë se gjatë procesit të një eklipsi, asnjëherë nuk duhet ta shohim drejtpërdrejtë rrezatimin, por duhet të kemi me vete gjithmonë syzet kundra diellit.
“Kjo gjë mund të shkaktojë dëmtim të madh për sytë, ndërsa kalojmë nga dita në natë, pasi zgjat vetëm 20 ose 30 minuta ,” tha Dr. Nicole Bajic, okulist në Klinikën e Cleveland.
Gjatë një eklipsi total, dita kthehet në natë brenda pak minutash dhe është një kohë shumë e shkurtër për t’u përshtatur nga syri i njeriut./E.Ç
