Gruaja palestineze që u përpoq të godiste me thikë disa ushtarë izraelitë në një pikë kontrolli në Tayasir, në veri-lindje të Bregut Perëndimor ka vdekur. Sipas informacioneve, ajo u qëllua nga ushtria.
Forcat izraelite të mbrojtjes thanë se terroristja kishte refuzuar të jepte të dhënat e saj personale dhe kishte tentuar të godiste me thikë ushtarët. Gjysmëhëna e Kuqe Palestineze nga ana tjetër tha se një nga ambulancat e saj nuk u lejua të kalontë për t’i dhënë ndihmën gruas në fjalë.
Nuk raportohet për të lënduar mes ushtarëve.
Tensionet kanë qenë të larta në të gjithë Bregun Perëndimor që kur Izraeli filloi një ofensivë ushtarake vdekjeprurëse kundër Rripit të Gazës pas sulmit nga Hamas më 7 tetor 2023.
Të paktën 459 palestinezë janë vrarë që atëherë dhe rreth 4,750 të tjerë janë plagosur nga forcat izraelite në territorin e pushtuar, sipas Ministrisë së Shëndetësisë./O.S
