Autoriteti Rrugor Shqiptar ka nxjerrë një njoftim për situatën e rrugëve pas reshjeve të shiut dhe të dëborës që përfshinë vendin gjatë kësaj të diele.
ARRSH njofton se ka pasur rrëshqitje dherash dhe gurësh në akset Lezhë-Shkodër-Hani i Hotit, Lezhë-Shëngjin, Vau i Dejës-Mjedë, Ura e Kirit-Vau i Dejës, Ura e Bunës-Muriqan, Vau i Dejës-Pukë-Kalimash.
Ndërkohë, borë ka pasur në akset Bogë-Theth, Pukë-Fushë Arrëz, Qafë Mali- Fierzë, B.Curri-Valbonë, Kukës -Vasije – Peshkopi, Kuben-Vasije, Kukës-Bushtricë (Vasije), Boboshticë, Dardhë, Voskopojë dhe Korçë.
Sipas ARRSH-së, qarkullimi kryhet pa probleme në të gjitha akset, ndërsa vijon puna për pastrimin e rrugëve dhe shpërndarjen e kripës.
“Gjatë ditës së sotme reshjet e shiut me intensitet të lartë kanë shkaktuar rënie gurësh e inertesh në akset: Lezhë-Shkodër-Hani i Hotit, Lezhë-Shëngjin , Vau i Dejës-Mjedë, Ura e Kirit-Vau i Dejës, Ura e Bunës-Muriqan, Vau i Dejës-Pukë-Kalimash.
Autoriteti Rrugor Shqiptar po vijon punën pa ndërprerje për pastrimin e akseve dhe rikthimin e tyre në gjendjen e mëparshme për një qarkullim të sigurt.
Në akset Bogë-Theth, Pukë-Fushë Arrëz, Qafë Mali- Fierzë, B.Curri-Valbonë, Kukës -Vasije – Peshkopi, Kuben-Vasije, Kukës-Bushtricë (Vasije), Boboshticë, Dardhë, Voskopojë dhe Korçë vijon prezenca e rreshjeve të dëborës, mjetet borëpastruese vijojnë punën për pastrimin e rrugëve dhe shpërndarjen e kripës
Qarkullimi në të gjitha akset kryhet pa probleme.
Rekomandohen përdoruesit e rrugës, të lëvizin me shpejtësi të reduktuar, si dhe të ndjekin udhëzimet e Policisë Rrugore”, theksoi ARRSH./ S.M