Xavi ndryshon mendim. Ish-kapiteni fantastik i Barcelonës do të jetë në pankinën e skuadrës së zemrës edhe sezonin e ardhshëm, ndryshe nga sa deklaroi kohë më parë.
“Të gjithë e dini se sa katalanas jam unë. Gjithmonë jam përpjekur të bëj më të mirën për këtë klub. Gjëja më e rëndësishme është klubi, gjithmonë.
Kur u takova me presidentin dhe ia lashë atij në dorë të ardhmen time, unë vura re një besim të jashtëzakonshëm kundrejt meje nga ana e të gjithëve.
Ka patur rëndësi të madhe edhe bashkëpunimi i lojtarëve, të cilët më kanë treguar dhe shfaqur hapur se ky projekt duhet të vazhdojë përpara.
Në janar isha i bindur se largimi është gjëja më e mirë, por tani shoh gjithçka ndryshe. U jam mirënjohës të gjithëve, mendoj se vendimi për të vijuar është më i miri”, u shpreh Xavi.