Pas më shumë se një dekade, Kukësi rikthehet në Kategorinë e Parë. Verilindorët, kampionë të Shqipërisë në sezonin 2016-2017, dy herë fitues të Kupës së Shqipërisë dhe një herë fitues të Superkupës, edicionin e ardhshëm do të luajnë në nivelin e dytë të futbollit shqiptar.
Kuksianët u mundën në shtëpi 0-2 (Daci, Boçi) nga Teuta në përballjen e javës së 33. Rezultat ky që matematikisht bën që Kukësi të rrëzohet në Kategorinë e Parë. Historia 12-vjeçare e Kukësit në Superiore mund të konsiderohet në plot kuptimin e fjalës e suksesshme.