Joan Laporta, president Barcelona, shkoi në “Ciutat Esportiva” për të folur me Xavin dhe për ta informuar për shkarkimin e tij. Klubi i Barçës e konfirmoi zyrtarisht në orën 13:39. Kreu i Barçës mbërriti pak para orës 12 të mesditës, para se të përfundonte seanca e ekipit të parë. Barça do të zyrtarizojë nënshkrimin me Hansi Flick si trajner i ri të hënën.
Në deklaratë, Barça thekson se Xavi do ta drejtojë ndeshjen e fundit të La Ligas në Sevilje, të dielën (21:00). Klubi i Barçës shton se “dëshiron të falënderojë Xavin për punën e tij si trajner dhe i uron atij gjithë fat në botë”.
Barça shton se do të raportojë për strukturën e re të ekipit të parë në ditët në vijim edhe pse, siç është zbuluar nga media katalanse, të hënën, më 27 maj, pasi sezoni të ketë të përfunduar, do të njoftohet emërimi i gjermanit Hansi Flick si pasardhës i Xavit
