Një rrugë në Tiranë merr emrin e Dritan Mezinit, Veliaj: Do vazhdojë të na frymëzojë

113 563 lexime

124,178FansaPëlqeje

Një rrugë në Tiranë, në hyrjen veriore të Liqenit Artificial, do të mbajë emrin e sipërmarrësit Dritan Mezini, i cili u nda nga jeta pak kohe me pare. Gjatë fjalës së tij, Veliaj tha se Mezini i përkiste një skuadre ku njerëzit flisnin mirë për njëri-tjetrin.

“Më vjen mirë që kjo rrugë është në botën e Tanit, në atë botë që krijoi skuadër, që njerëzit flisnin mirë për njëri-tjetrin, që thoshin jam krenar për ty, bravo të qoftë. Unë besoj se kjo është patjetër një ditë kujtimi, por nuk është një ditë për të qarë, është një ditë për të festuar jetën e Tanit. Sot do të kem gjithmonë kënaqësi, sa herë që të shëtis me tim bir në kete rruge të kem një përgjigje shumë të mirë kush është xhaxhi Tani, që e donte shumë Tiranën, që i dha pafund dashuri”, tha Veliaj.

Kryebashkiaku u ndal edhe te projektet që Mezini la pas vetes, duke theksuar se ai do t’i frymëzojë të gjithë. Veliaj tha se fëmijët e Mezinit do të rriten me mungesën e figurës atërore, por do të mësohen të jenë të fortë për të marrë vetë vendimet e tyre.

“Nuk e di sa do vazhdojë “Dua punë”, nuk e di sa do vazhdojnë shoqatat, nuk e di sa do vazhdojnë shumë prej projekteve, por e di që dashuria e Tanit do vazhdojë, do jetë një dozë që do na frymëzojë të gjithëve. Shpresoj që përveç një dite ku festojmë jetën e Tanit, të jetë një ditë reflektimi për secilin prej nesh. A po jetojmë jetë të denja, që një ditë kur të mos jemi më, të kujtohemi siç kujtohet Tani, me kaq shumë dashuri? Unë jam rritur vet pa babin dhe di të them që keqardhja është për atë që ikën, por edhe për ju, pavarësisht se jeta do jetë më sfiduese, do bëheni më të mirë se ca të tjerë që do ua bëjë babai gati. Do bëheni më të fortë se ca të tjerë që forcohen shumë më vonë në jetë. Do bëheni më të mençur për të marrë vendime të shpejta, të drejta kur disa të tjerë duhet të pyesin babin për të marrë vendime”, u shpreh ai.

Lexo edhe :  FOTO/ PD bën ndryshimin e papritur, banderola që 'habiti' të gjithë

Dritan Mezini, sipërmarrës në fushën e teknologjisë së informacionit, ndërroi jetë më mënyrë të beftë, pas një ataku kardiak në moshën 52-vjeçare, në janar të këtij viti. Këshilli Bashkiak i Tiranës vendosi në mënyrë unanime të përjetësojë emrin e tij në një rrugë që ai e bënte çdo ditë, teksa dilte për vrap te kodrat e Liqenit Artificial./kb

Të fundit

Konflikti brenda PD-së, Veliaj: I kemi mundur, me vulë dhe pa vulë

Partia Socialiste e ka mundur Sali Berishën si me vulë, ashtu edhe pa vulë, të bashkuar ose copë e...

Evropiani në Gjermani, 16 punonjës të policisë shqiptare pjesë e masave të sigurisë

Policia e Shtetit do të japë kontributin e saj për garantimin e sigurisë gjatë Kampionatit Evropian të Futbollit, që nis sot në Gjermani. Për një...

FOTO/ PD bën ndryshimin e papritur, banderola që ‘habiti’ të gjithë

Kampionati Europian i Futbollit do të nisë mbrëmjen e sotme me sfidën hapëse Gjermani-Skoci. Ndërsa, nesër do të luajë edhe Kombëtarja Shqiptare e Futbollit, e...

Basha: Sali Berisha nuk e rrëzon dot Edi Ramën, do rinisim gjyqin për vulën e PD

Lulzim Basha ka dale para mediave diten e sotme duke deklaruar se do te vijoje kalvarin gjyqesor per vulen dhe logon e Partise Demokratike...

“Vendimi për vulën tërësisht i padrejtë”, Basha premton parti të re

Lulzim Basha, në një deklaratë për mediat tha se vendimi i Gjykatës së Apelit më 11 qershor për vulën e Partisë Demokratike ka qenë...

Lajme të tjera

Web TV