Si mund të kuptojmë që mund të jemi përballë një rënie ekonomike? Përgjigja mund të jetë në buzët tona.
Kryetari i Estee Lauder, Leonard Lauder, krijoi indeksin e buzëkuqëve gjatë rënies ekonomike pas 11 shtatorit 2001. Ai vuri re se blerja e produkteve kozmetike, veçanërisht buzëkuqëve, priren të jenë të ndërlidhura me ekonominë, sepse gratë zëvendësojnë blerjet më të shtrenjta me zgjedhje të vogla.
Në vjeshtën e vitit 2001, shitjet e buzëkuqve në SHBA u rritën me 11%. Dhe gjatë Depresionit të Madh, shitjet e kozmetikës në përgjithësi u rritën me 25%.
Në vitin 2020, në kulmin e rënies ekonomike të Covid, CEO i Estee Lauder Fabrizio Freda tha se buzëkuqi ishte zëvendësuar nga një produkt për kujdesin e lëkurës pasi klientët mbanin maska dhe punonin nga shtëpia.
Tani mund ta shohim edhe një herë atë fenomen. Sephora njoftoi së fundmi një vit rekord shitjesh.
Sigurisht, i ashtuquajturi indeksi i buzëkuqit është një matës më pak teknik – dhe më argëtues – i rënies ekonomike dhe nuk është gjithmonë plotësisht i saktë. Por sidoqoftë është një tregues./ S.M
