Dafina Zeqiri i mohoi lajmet se është në një pritje të ëmbël. Pak ditë më parë, u raportua në emisionin “Stacioni Rozë” në RTSH se Dafina dhe partneri i saj, Kreshnik Gjergji, do të bëhen prindër dhe se këngëtarja ishte në javët e para të shtatzënisë. Por artistja u shpreh se bëhet fjalë për një “çështje personale”, të cilën do ta zbulojë vetë për publikun, kur të ndodhë.
“Është mirë të merren fakte reale siç ndodh jashtë me mediat ndërkombëtare. Askush nuk guxon të shpikë gjëra të cilat nuk janë të konfirmuara nga vetë personi, as nga miqtë e afërt”, tha Dafina. Më tej, ajo shtoi: “Është një çështje shumë personale, por më vjen keq që e keqpërdorin me një mënyrë disa gazetarë për të marrë klikime me burime të rreme”.
Keshtu Dafina e “vulosi” se nuk është në pritje të ëmbël dhe kur të jetë, do të na e thotë vetë./E.Ç
