Granit Xhaka ka shkëlqyer edhe një herë tjetër me Zvicrën në ndeshjen e fituar ndaj Italisë, duke u shndërruar në një lider të vërtetë te kombëtarja helvete, që ditën e sotme eliminoi Italinë, falë triumfit 2-0.
Një triumf mëse i merituar ky, që i siguroi Zvicrës një biletë për në fazën çerekfinale të Euro 2024. Ndërkohë së fundmi, faqja “Play Squawka Selector” në platformën “X”, ka listuar disa statistika të arritura të Xhakës në duelin ndaj kampiones në fuqi të Europës.
101 prekje të topit
100% duele të fituara në ajër
94 pasime të sakta nga 98 të tentuara
16 inkuadrime në fazën e sulmit (më së shumti)
4 herë fitues i posedimit të topit
3 shanse të krijuara
1 largim i rrezikut
1 faull i fituar
Gjithashtu faqja tjetër “Football on TNT Sports”, ka shkruar se Xhaka ka pësuar vetëm dy disfata, qëkur u largua nga Arsenali.
“Qëkur u largua nga Arsenali në korrik të vitit 2023, Granit Xhaka i ka humbur vetëm 2 ndeshje në nivel klubi dhe kombëtareje”. S.B
