Nënkryetari i Akademisë së Shkencave, Vaso Tole teksa vlerësoi kontributin e çmuar të Ismail Kadaresë, theksoi se bota akademike pësoi një humbje të madhe.
Në një prononcim për shkrimtarin e madh, Tole theksoi se Kadare i zotëronte të gjitha artet.
“Ndarja nga jeta fizike e akademikut të shquar, është humbje e madhe për botën akademike shqiptare. Ai është figura qendrore e shekullit XX. I shpreh ngushëllime familjes, botës akademike dhe krijuese shqiptare. Vetë Kadare thoshte; s’jam desident, por kam bërë letërsi. Ai nuk ishte vetëm shkrimtar, por zotëronte të gjithë artet. Humbja e tij fizike është tronditje e madhe për ne. Në pikëpamjen e veprës, ai nuk do të lërë asnjë boshllëk. Kemi një vepër të stërmadhe, botërore që ka krijuar Kadare. Do të ngushëllohemi me faktin se e patëm mes nesh Kadarenë.”, tha Tole. S.B
