Në një takim me drejtuesit e QSUT-së, ministrja e Shëndetësisë, Albana Koçiu u shpreh se do të ndalohen të gjithë mjekët që të njëjtin pacient ta kurojnë në klinkat private që kanë hapur.
Ajo theksoi se mjekët që punojnë në klinikat private nuk do të mbajnë as funksion në spitalet publike apo në Universitetin shtetëtor të Mjekësisë.
Sipas ministres, të gjitha këto ndryshime ligjore janë në diskutim dhe pritet të miratohen në javën e 3 të korrikut.
“Mjekët që duan të punojnë në privat do duhet të marrin leje. Do ndalohet që mjekët të ndjekin të njëjtin pacient në klinkat private që kanë hapur. Kjo është një reformë thelbësore e autonomisë spitalore. QSUT dhe 12 spitale të tjera do të marrin autonominë spitalore. Mjekët që punojnë në klinikat private nuk do të mbajnë as funksion në spitalet publike apo në universitetin shtetëtor. Ndryshime të menjëhershme kërkojnë edhe ndryshime të masave. Të gjitha këto ndryshime ligjore janë në diskutim dhe pritet të miratohen në javën e 3 të korrikut. Ngjarja e rëndë tek Onkologjiku, do na bën ne të punojmë më tej për shëndetin e shqiptarëve “, u shpreh ministrja./E.T
