Kryeministri Edi Rama ishte dje tek spitali Onkologjik në Tiranë ku takoi mjekë dhe infermierë mbi skandalin që u publikua ku qyetarët zhvateshin nga mjekët. Rama pranoi se ka mjekë shumë të mirë por edhe merimanga. Ai tha se do të sjellë menaxherë të huaj për të asistuar stafet drejtuese të QSUT-së.
Skandalet në spitalet shqiptare vijnë në rritje, por ato të publikuara në media e bëjnë më të ndjeshme hierarkinë institucinale për të mbajtur një qëndrim dhe zhkundje të bluzave të bardha në lidhje me zhvatjen e të afërmëve të të sëmurëve dhe neglizhencën ndaj pacienteve duke i shkelur me të dyja këmbet “Betimin e Hipokratit”. Për rastin e publikuar, mjekët e Spitalit Onkologjik po hetohen nën akuzën e “Shpërdorimit të detyrës”, pasi detyronin pacientë të sëmurë më kancer të trajtoheshin në privat si dhe të blenin medikamente në farmaci private, e që kushtonin mijëra euro. Dhe këta Kryeministri Edi Rama i ka quajtur “merimanga”. Pas protestave për skandalin që u shënua tek onkologjike, shefi i Qeverisë është ndjerë i detyruar që të bëjë një mbledhje me stafin e Osnkologjikut. Në krah me ministren e Shëndetësisë, Kryeministri Edi Rama theksoi në takimin me drejtuesit e shërbimeve në Qendrën Spitalore Universitare “Nënë Tereza”, se ajo që ndodhi në Spitalin Onkologjik e bën qeverinë më të vetëdijshme për gjërat që duhen bërë akoma në sistemin shëndetësor. “Jam këtu sot për të thënë që veprimtaria kriminale e atij grupi keqbërësish, njësoj si Tixhja, nuk e hedh dot poshtë përpjekjen tonë për ta shndërruar sistemin shëndetësor nga ngrehina ku e gjetëm në një sistem shërbimesh funksionale. Madje, kjo që ndodh na bën më të vetëdijshëm për gjërat që duhen bërë akoma”, tha Rama. ai tha se gjithë kjo zhvatje dhe mos kurim është një krim ndaj njerëzimit. “Do të angazhojmë një grup menaxherësh të huaj për të asistuar drejtuesit e QSUT që të garantojmë sa më mirë edhe hapjen së shpejti të kapitullit të autonomisë spitalore që kjo qendër do duhet ta ketë dhe që kësaj qendre t’i japë fleksibilitetin për të shpërblyer profesionistët e vet sipas meritës, jo më me ato tavanet e njëjta”, shtoi Rama. Mes të tjerash ai shtoi se përgjegjësia është individuale për secilin mjek apo infermier. “Përgjegjësi e tyre është individuale, duhet ta mbajmë para ligjit dhe para zotit. Përgjegjësia juaj si institucion spitalor është të reagoni dhe të kujdeseni për funksionim e përditshme. Për të shtyrë çdo hap, reformimin, hap pas hapi të këtij institucioni. Takimi me skuadrën e Onkologjikut para se të vija këtu ishte mbresëlënës. Në kuptimin negativ për rrënimin psikologjik dhe moral të të gjithëve që është e natyrshme se janë më afër nga të gjithë ndaj këtyre merimangave.”, tha Rama.
Inkurajimi
Sado që bëhen përpjekje për rritjen e pagave të mjekëve për të minimizuar zhvatjen e qytetarëve kjo nuk e zbut pabëzinë e mjekëve te korruptuar. Kryeministri Rama duke sjellë në kujtesë edhe ekspeeincën e tij në spitalin shtetëror, që padyshim do ishte maksimal, premtoi se ai që e bën punën më mirë do të ketë pagesë më të mirë. Sipas Ramës, qeveria do të paguajë më shumë ata mjekë e infermierë që shërbejnë më tepër. Kreu i qeverisë tha se profesionistët e mjekësisë në Shqipëri duhet që të jenë më empatik në punën e tyre të përditshme. “Unë kam qenë personalisht pacient i juaji për disa ditë. Jam munduar të kuptoj se çfarë ndodh në QSUT përtej meje dhe jam impresionuar nga shërbimi i infermiereve. Empatia është në nivelin për të dëshiruar. Kush do të bëjë më shumë shërbim, do të marrë më shumë. Do të bëjmë dhe ne siç ndodh në vendet që shumë prej jush duan të shkojnë. Unë kam shumë besim tek fuqia profesionale e kësja trupe. Mua më lëkundet besimi tek fuqia morale e kësaj trupe. Kjo që ndodhi nuk duhet të kishte ndodhur, por thashë është e keqe e madhe që duhet kuptuar se çfarë të mirash duhet të prodhojë dhe kam besim, sidomos tek ata që kanë shumë për t’i dhënë të rinjve nga aspekti profesional dhe duhet fuqizuar edhe kultura e empatisë, e cila nuk kushton asgjë”, tha ai. Skandali u zbulua pas denoncimeve të pacienteve, ku në përgjimet e mjekëve doli se rastet abuzive shkonin përtej çdo imagjinate, ku të sëmurët më tumor dhe që trajtoheshim me kiomioterapi, bëheshin pjesë e pazareve për fitimin e parave nga një grup mjekësh e farmacistësh. Po ashtu, në raportin e KLSH zbulohet se çfarë ndodhte edhe më aparaturën e Kobaltit, e cila nuk është vënë kurrë në funksion pasi mungojnë kushtet e duhura spitalore, dhe që rrezikon të përhapë radioaktvitet nëse përdoret jashtë një ndërtese bunkier. Zbulimi i skemës së zhvatjes së pacientëve te Spitali Onkologjik shkaktoi debate edhe këtë të hënë te Komisioni i Shëndetësisë. Deputetja demokrate, Albana Vokshi, kërkoi që të kishte seancë dëgjimore urgjente me drejtuesit e spitalit dhe vizitë në terren, por nuk gjeti mbështetjen as të koleges së partisë, Zheni Gjergji. “Ne s’duhet të ishim këtu sot, por duhet të ishim atje. Për të parë se si trajtohen pacientët, si jepen kurat. Si është situata me aparaturat”, tha Vokshi. “Edhe kjo seancë me përfaqësuesit e Fondit të Sigurimit të Detyrueshëm të Kujdesit Shëndetësor ka kohë që zvarritet, ne e kemi kërkuar dhe është mjaft e ndjeshme dhe për qytetarët”, tha Zheni Gjergji. “Nuk mund të diskutohet asgjë tjetër përveç onkologjikut”, tha Vokshi. Edhe socialistët u shprehën kundër debatit për Onkologjikun, pasi sipas tyre mendimet e pakicës dhe shumicës janë shumë të qarta për këtë çështje. “Opozita ka marrë një detyrë shumë të rëndësishme për të hedhur baltë mbi gjithçka që është arritur”, tha deputetja e PS, Klodiana Spahiu. Shkak për vijimin e debate u bë dhe vizita e kreut të qeverisë në onkologjik. “Pa dyshim që ju nuk do ju pëlqejë vizita e kryeministrit tek onkologjiku”, tha Spahiu. “Nuk mori mendimin e asnjë mjeku”, iu përgjigj Gjergji. Pas debateve me tone të larta, palët ranë dakord që seanca dëgjimore me përfaqësuesit e spitalit onkologjik dhe ministrisë së Shëndetësisë të zhvillohet ditën e premte. Me kthimin e qetësisë në sallë, nisi dhe seanca dëgjimore me përfaqësuesit e Fondit të Sigurimit të Detyrueshëm të Kujdesit Shëndetësor dhe Ministrisë së Shëndetësisë. Zëvendësministri Niko Hyka pohoi se do të ndryshojë lista e barnave të rimbursueshme, ku do të shtohen dhe medikamente për trajtimin e sëmundjeve tumorale. “Do kemi një listë të re barnash që prek një kategori të shumtë pacientësh”. Zëvendësministri nuk dha detaje mbi medikamentet që do shtohen në listën e barnave me rimbursim, e cila nuk ka ndryshuar prej dy vitesh.
