Nëse keni vërejtur se pilotët janë gjithmonë pa mjekër, nuk është e rastësishme.
Mjekra është e ndaluar në shumicën e linjave ajrore kryesore, ndonëse nuk është rregull zyrtar nga Administrata Federale e Aviacionit (FAA), një zëdhënës thotë se qimet e fytyrës ndikojnë në siguri, shkruan New York Post.
“Ne nuk kemi asnjë rregullore – si pershembull rregullore për rruajtje të pastër – por shumë linja ajrore kanë politika që kërkojnë që pilotët të mos kenë mjekër ose mjekër minimale për të siguruar që maskat e oksigjenit të përshtaten mirë nëse janë të nevojshme”, shpjegoi përfaqësuesi i FAA.
Ai shtoi se kërkesa është që maskat e oksigjenit të jenë funksionale dhe linjat ajrore mund të kërkojnë që pilotët të jenë të rruar pastër ose të kenë një mjekër të vogël për ta siguruar këtë.
Në Delta Airlines, pilotëve u ndalohet të kenë qime në fytyrë, në mënyrë që maska të vendoset mirë, derisa American Airlines zbaton një politikë të ngjashme.
“Ne nuk i lejojmë pilotët me qime në fytyrë të jenë në detyrë aktive”, tha një zëdhënës. “Në fakt ka të bëjë me sigurinë. Siguria është një nga gjërat më të mëdha, më të rëndësishme në industrinë tonë”./ S.M
