Princesha e Uellsit, e cila po i nënshtrohet kimioterapisë pasi u diagnostikua me kancer, ndau një mesazh të rrallë për legjendën e tenisit Andy Murray në llogarinë zyrtare të çiftit mbretëror në Instagram të shtunën, më 6 korrik.
Andy Murray ka njoftuar se do të tërhiqet nga tenisi pas një karriere të suksesshme pasi mori pjesë në Lojërat Olimpike të Parisit këtë vit.
“Një karrierë e jashtëzakonshme në Wimbledon po i vjen fundi. Duhet të jesh shumë krenar @andymurray. Në emër të të gjithë neve, faleminderit!” , ka shkruar mesazhi i Kate Middleton në Instagram Stories, të cilin e ka nënshkruar me “C”, tregues që e ka firmosur vetë.
Murray, 37 vjeç, luajti një nga ndeshjet e tij të fundit në Wimbledon të premten (5 korrik) dhe u emocionua pas një nderimi për karrierën e tij. Ai tha për vendimin e tij për t’u tërhequr:
“Është e vështirë sepse do të doja të vazhdoja të luaja, por nuk mundem. Fizikisht tani është shumë e vështirë. Të gjitha dëmtimet janë mbledhur dhe nuk kanë qenë të parëndësishme”.
Princesha Kate dhe Andy Murray kanë një marrëdhënie të ëmbël që zgjat shumë vite. Në vitin 2023, ylli i tenisit përshëndeti në heshtje Princeshën e Uellsit pas ndeshjes së tij me Ryan Peniston.
Tre vjet më parë, gjatë pandemisë , Kate dhe Murray u bashkuan për një video që synonte tenisistët e rinj në shkollën fillore Bond në Londrën e Jugut. S.B
