Kreu i SPAK, Altin Dumani ka mbajtur një konferencë për shtyp ku ka folur për çështjen më të nxehta të hetimit në politikë. Ai tha se për ngjarjen e 21 Janarit SPAK do të nisë menjëherë hetimit për zbardhjen e fajtorëve ku humbën jetën 4 protestues. Regimet e Dumanit edhe për dosjet e tjera të nxehta që prekin politikanë nga të dyja kampet.
Drejtuesi i SPAK Altin Dumani, në konferencën e mbajtur dje me gazetërët u pyet për çështjet e rëndësishmë që janë në hetim, ku ndër ta është edhe çështja e 21 janarit 2011 ku në protestën para kryeministrisë u vranë katër qytetarë dhe u plagosën shumë të tjerë. “Ne do zbatojmë vendimin e Gjykatës së Lartë. Ndiqet procedura normale. Ndoshta mund të ketë nevojë dhe për koordinim”, është shprehur kreu i SPAK Altin Dumani. Prokruroi e Posaçme e kishte dosjen e 21 janarit në hetim, por shpalli moskopetencë, duke e kaluar për shqyrtim në Prokurorinë e Tiranës. Pas ankesës së familjarëve të viktimave, Gjykata e Lartë vendosi që çështjen ta rikthejë për hetim në SPAK. Një nga personat që mund të merret nën hetim për këtë çështje është ish-kryeministri i asaj kohe Sali Berisha, i cili është në arrest shtëpie. Për dosjen “Partizani”, ku nën hetim janë edhe ish-kryeministri, Sali Berisha dhe dhëndri i tij, Dumani tha se akuzat ndaj tyre do të formalizohen kur të jenë përfunduar të gjitha veprimet hetimore. Ai nënvizoi se SPAK ka ndërmarrë edhe hetim pasuror ndaj të dyshuarve, duke dalë edhe me konkluzione me vënien në sekuestro të disa pasurive. Për ecurinë e hetimit të dosjes 5D, ndaj ish zyrtarë të Bashkisë Tiranë Dumani tha prerë se nuk kishte asnjë koment për të bërë. Ai tha SPAK ka regjistruar emra konkretë në hetimin e nisur disa muaj më parë për abuzimet me fondet e projektit IPARD në Shqipëri, çështje për të cilën është kallëzuar edhe ish-ministrja e Bujqësisë, Frida Krifca. Altin Dumani nuk bëri asnjë koment në lidhje me akuzat që janë drejtuar ndaj tij nga ish presidenti Ilir Meta, për të cilat tha se nuk e shqetësojnë. Ndërsa nuk dha një përgjigje se në çfarë statusi po hetohet çifti, Meta-Kryemadhi.
