Aktori Ben Affleck është parë sërish pa unazën e martesës, duke nxitur spekulimet se martesa e tij gati dy-vjeçare me Jennifer Lopez ka përfunduar. Regjisori 51-vjeçar i “Argo” u pa teksa mbërriti në zyrën e tij në Los Angeles.
Ndryshe nga Ben, Jennifer, e cila e kaloi fundjavën e 4 korrikut larg bashkëshortit të saj, u fotografua me unazën e saj në gisht. Kjo pamje vjen pas pretendimeve të fundit se martesa e Affleck dhe Lopez ka “mbaruar prej muajsh”.
Sipas një raporti nga Page Six, çifti ka jetuar i ndarë që nga marsi, me një burim të brendshëm që zbuloi ndarjen më 1 korrik. Jennifer Lopez dhe Ben Affleck kanë qenë subjekt i thashethemeve për ndarje prej disa kohësh.
Marrëdhënia e Affleck dhe Lopez ka qenë një vorbull. Fillimisht ata u takuan në fillim të viteve 2000, duke u bërë një nga çiftet më të përfolur të Hollivudit, përpara se të prishnin fejesën e tyre në 2004.
Secili vazhdoi të lidhej me njerëz të tjerë dhe të kishte familje, por gjetën rrugën e kthimit tek njëri-tjetri në vitin 2021. Affleck u martua me aktoren Jennifer Garner dhe Lopez u martua me këngëtarin e salsa, Marc Anthony.
Si po i përballon Jennifer Lopez thashethemet e divorcit?
Përditësimi i fundit tregon se JLo po është pozitive mes shansit për një pajtim e ribashkim me Ben.
“Asgjë nuk mund ta thyejë shpirtin e saj. Ajo dëshiron të kalojë një verë plot argëtim dhe të qeshura,” zbuloi një burim i brendshëm për Page Six mes udhëtimit të saj të fundit evropian dhe projekteve të shumta.
Burimi shpjegoi se Jennifer është ende “zemërthyer” me Benin dhe dëshiron t’i zgjidhë gjërat, por shanset për një pajtim të plotë duken “më të pakta nga dita në ditë”. Dyshja ende nuk i kanë adresuar thashethemet, por janë parë së bashku së fundmi.
“Ben vazhdon të jetojë në Brentwood me qira,” raportoi revista People në qershor. S.B
