Kripa ripërcakton peizazhet dhe i shndërron ato në piktura surrealiste. Po rendisim më poshtë 10 vende të tilla që kripa i ka kthyer në hapësira përrallore.
Deti i vdekur, Izrael – Deti i Vdekur është një nga vendet në planet ku regjistrohet përqendrimi maksimal i kripës, aq sa ujërat e këtij pellgu nuk mund të mirëpresin asnjë formë jete dhe është e pamundur të notoni në to.
Salar De Uyuni, Bolivi – Është një vend shumë i fotografuar dhe nga më të vizituarat. Salar de Uyuni është një pellg i madh kripe që përbën rezervën më të madhe të kësaj substance në botë dhe është aq i madh sa mund të dallohet edhe nga hapësira.
Etosha Salines, Namibi – Kullotat të Etosha Pan ndodhen në pjesën veriore të Namibisë dhe zënë një sipërfaqe prej përafërsisht 5000 km katrorë. Kjo zonë dikur ka qenë ndoshta e cekët, pasi është tharë si rezultat i temperaturave të larta. Nuk ka bimësi, me përjashtim të disa specieve barishtore të përshtatura me kripësinë.
Laguna Colorada, Bolivi – Një liqen i kripur i vendosur në Ande, në territorin Bolivian, me një ngjyrë të çuditshme që varion nga roza në portokalli, për shkak të pranisë së sedimenteve të kuqe, mikroorganizmave dhe algave me ngjyra të ndryshme. Lloje të shumta peshqish dhe zogjsh jetojnë këtu, duke përfshirë flamingot rozë.
Devil Course, Kaliforni – Është një hapësirë e kripës që shtrihet në afërsisht 520 kilometra sipërfaqe, një sipërfaqe mahnitëse e mbushur me miliarda kristale kripe.
Salinas Grandes, Argjentinë – Me hapësirën e tyre të bardhë dhe të shkretë, Salinas Grandes ndodhen midis provincave Salta dhe Jujuy, në Argjentinë, në pothuajse 4000 metra mbi nivelin e detit.
Qbajjar, Gozo, Maltë – Janë të vendosura në bregun verior të ishullit maltez. Të gjitha kriporet kanë një formë drejtkëndëshe, por madhësi të ndryshme dhe formojnë një lloj mozaiku të larmishëm. Ndërtimi i tyre daton që nga romakët e lashtë, pra rreth dy mijëvjeçarë më parë. Disa tonë kripë në vit nxirren ende nga këto depozita.
Saline di Margherita di Savoia, Pulia – Rezervati natyror Salina di Margherita di Savoia, i krijuar në vitin 1977, është një zonë e mrekullueshme e mbrojtur në Pulia. Të vendosura në provincën Barletta-Andria-Trani për rreth njëzet kilometra përgjatë bregut, ato përbëjnë një oaz natyral të pandotur, të populluar nga lloje të shumta gjallesash të mbrojtura, duke përfshirë flamingot rozë.
Salt Lake Hillier, Australi – Ngjyra e tij rozë intensive krijon një kontrast të çuditshëm me jeshilen e livadheve dhe blunë e oqeanit. Ngjyra e liqenit është ende duke u studiuar, por supozohet se është për shkak të pranisë së një mikroalge dhe mikroorganizmave të tjerë.
Maras Salines, Peru – Tre mijë pishina të vogla me formë drejtkëndëshe, të vendosura në anën e një mali. Uji i kripur del direkt nga nëntoka, nga një burim hiperkripor që daton mbi 110 milionë vjet më parë, bashkëkohor me formimin e Andeve. /e.t
