Momenti që të gjithë tifozët e Real Madridit prisnin me shumë durim më në fund ka ardhur. Kylian Mbappe, i cili nënshkroi me madrilenët, do të prezantohet zyrtarisht si lojtari më i ri i tyre të martën.
Administrata e klubit madrilen ka njoftuar se prezantimi i lojtarit do të bëhet më datë 16 korrik në atë që duket se do të jetë një event i jashtëzakonshëm në ‘Santiago Bernabeu’.
Real Madridi hodhi në treg biletat për këtë ngjarje speciale në fillim të kësaj jave dhe ato u shitën me një shpejtësi marramendëse për shkak të kërkesave të larta. Në më pak se 2 orë, të gjitha biletat në dispozicion për këtë event u shitën, duke përfshirë edhe ulëset VIP që kanë çmime shumë të larta.
Me shitjet e fanellave të Mbappes, duket se Real Madrid ka siguruar një pjesë të pagës së tij. Eventi i së martës do të jetë i veçantë, pasi mbi 80 mijë tifozë do të jenë prezent për ta bërë atmosferën sa më të nxehtë./e.t