Ujori, është një nga tipat që ofron shumë në fillim të njohjes së tij. Pastaj fillojnë problemet. Shpesh, ai u jep shumë më tepër rëndësi nevojave të një shoku, partneri ose kujtdo që ka nevojë, sesa personit me të cilin është. Në përpjekjen e tij për të bërë të gjithë të tjerët të lumtur, ai neglizhon marrëdhënien e tij, në të cilën ndihet i bllokuar. Nuk është se nuk i intereson partneri, thjesht ka mënyrën e tij të veçantë dhe, edhe pse nuk do që ta marrin si të mirëqenë, bën gabim që e merr për të mirëqenë gruan pranë.
Ndryshe nga Ujori, Dashi është plot pasion dhe entuziazëm dhe nuk ka frikë ta tregojë. Fatkeqësisht, të gjitha këto kanë një datë skadimi shumë të shkurtër. Ai do të ndjekë një grua ndërsa ajo është larguar, do të rrijë zgjuar në agim jashtë derës së saj, do t’i ofrojë lule ose dhurata dhe do të duket se është i magjepsur pas saj. Pasi ajo thotë “po”-në e dëshiruar, shpesh duket sikur ajo e kthen çelësin e tij në “OFF”. Ai ia arriti qëllimit, pretendoi dhe fitoi trofeun, nuk ka më interes, ndaj “le të shkojmë për më shumë”.
Shigjetari është një shenjë entuziaste, optimiste dhe argëtuese. Ai punon, si miku i tij, Dashi, me emocionin e momentit. Kur gjen një femër që i pëlqen, bën gjithçka për ta pushtuar dhe në shumicën e rasteve ia del, pasi ka një kombinim të parezistueshëm humori dhe erotizmi. Ajo ku gjërat shkojnë keq është kur ai futet gjithnjë e më shumë në një marrëdhënie. Para së gjithash, vetë serioziteti i situatës, së bashku me pjesën praktike të përditshmërisë, e bëjnë atë të humbasë flakën e tij origjinale dhe disponimin e tij romantik. Çdo gjë e sheh më seriozisht se ç’është, nuk i kalon mirë, mendon se është i kufizuar dhe i ka prirjet e arratisjes. Për sa kohë që nuk po bëjnë gjëra me partnerin e tyre, ndihen të mërzitur dhe duan të çlirohen. Dhe realisht nuk i intereson nëse e lëndon apo jo, sepse brenda tij është zhdukur e gjithë situata! S.B
