Ndërkohë që gjithnjë e më shumë shtëpi mode po i afrohen botës së “High Parfumery”, ka nga ata që vendosin të ndeshen me një botë krejtësisht të re. Atë të miqve më të afërt të njeriut, me gëzof dhe me katër këmbë. Kjo është ajo që bën Dolce&Gabbana, me krijimin e aromës së saj të parë kushtuar qenve.
Parfumi i qenve Fefé vjen në një shishe qelqi elegante, me llak jeshil, i mbyllur me një kapak metalik të kuq dhe i zbukuruar me një putër ari 24 karat.
Dashuria e pakushtëzuar për qenin e vogël Fefé, shoqërues besnik i Domenico Dolce dhe Guilherme Siqueira, përkthehet në një përbërje mbështjellëse dhe të freskët nuhatjeje. Natyrisht e krijuar me kujdes dhe vëmendje, në harmoni me ndjeshmërinë nuhatëse dhe të lëkurës së këlyshëve dhe qenve.
Kush e krijoi këtë parfum të ri për qentë? Për këtë krijim të veçantë, Dolce&Gabbana ka zgjedhur një nuhatëse të jashtëzakonshme, një Master Parfumer: Emilie Coppermann. Krijuese e aromave për shtëpitë e modës dhe stiliste për më shumë se 20 vjet, ajo tani ka hyrë në këtë aventurë të re nuhatëse, pa alkool.
Aroma Fefé është e çertifikuar sipas rregulloreve SAFE PET COSMETICS, gjë që garanton se është plotësisht e sigurt për miqtë tanë me gëzofë. Një protokoll i sigurt që e lejon atë, megjithatë, të ofrojë një aromë të parezistueshme.
Kombinimi nuhatës i aromës mirëpret, në fakt, nuanca të ngrohta dhe mbështjellëse të bimës ylang ylang, prekje të freskëta dhe të pastra të myshkut, dhe tipare drunore. Aroma është miratuar nga etologët, veterinerët dhe pronarët e qenve.
Formula pa alkool garanton sigurinë e tij: nuk irriton as sytë dhe as lëkurën e miqve me katër këmbë me fat që janë të destinuar ta veshin atë./S.B
