Më 5 gusht të vitit 1986, vdiq Stuart Mann, studiues britanik, albanolog (81 vjeç) – studioi në shkollat angleze dhe universitete; u diplomua në filologji gjermanike nga Universiteti i Bristolit në vitin 1927.
Në vitin 1929 ai udhëtoi për në Shqipëri me një traget nga Brindizi për të mësuar shqip dhe për t’u njohur me kulturën. Ai u punësua në Tiranë si mësues i anglishtes në Shkollën Profesionale Amerikane të drejtuar nga Harry Fultz dhe qëndroi në vend deri në vitin 1931. Në vitet 1930, ai më vonë dha mësim anglisht në Universitetin Mazaryk të Brno në Çekosllovaki.
Mann u kthye në Angli gjatë Luftës së Dytë Botërore dhe punoi për Zyrën e Jashtme britanike. Në vitin 1947, u bë lektor në gjuhën çeke dhe gjuhën shqipe në Universitetin e Londrës, ku punoi deri në pensionim më 1972.
Interesi parësor i Stuart Mann në studimet shqipe ishte fonologjia dhe historia e gjuhës. Ndër botimet kryesore albanologjike janë: “A Short Albanian Grammar”, London 1932; “Një fjalor historik shqip-anglisht”, Londër 1948; “Letërsia shqipe, një përvijim i prozës, poezisë dhe dramës”, Londër 1955; “Fjalori anglisht-shqip”, Londër 1957; dhe “An Albanian Historical Grammar”, Hamburg 1977. Ai ishte gjithashtu autor i artikujve të shumtë kushtuar kryesisht gjuhës dhe letërsisë shqipe. Në këtë letër të këndshme, ai kujton kontaktet e tij të para me Shqipërinë.
Kalendar
1305 – William Wallace, i cili udhëheqi skocezët në rezistencë ndaj Anglisë, kapet nga anglezët afër qytetit Glasgow dhe u transferua në Londër për gjykim dhe ekzekutim.
1620 – Mayflower niset nga Southampton, Angli, në përpjekje për të arritur në Amerikën e Veriut. Mayflower ishte anija që transportoi kryesisht puritanët dhe separatistët anglezë, të njohur si pelegrinët.
1735 – Liria e shtypit: gazetari i gazetës New York Weekly, John Peter Zenger lirohet nga akuza për shpifje ndaj guvernatorit mbretëror të Nju Jorkut, mbi bazën se ajo që ai kishte publikuar ishte e vërtetë.
1901 – Peter O’Connor arrin rekorin e parë në kërcim në gjatësi të pranuar nga IAAF. Rekordi do të mbetet i pa thyeshëm për 20 vite me rradhë.
1944 – Lufta e Dytë Botërore: Nazistët fillojnë një masakër javore mes 40,000 dhe 100,000 civilëve dhe të robërve të luftës në Wola, Poloni.
1981 – Presidenti Ronald Reagan pushon nga puna 11.359 kontrollorë të fluturimeve në grevë, të cilët injoruan urdhrin e tij për t’u kthyer në punë.
