Më 6 gusht të vitit 1908 lindi në Eskishehir Eqrem Çabej, arsimtar, gjuhëtar dhe albanolog shqiptar. Në vitin shkollor 1939-’40 Çabej u transferua në gjimnazin e Tiranës ku u ngarkua me drejtimin e shkollës. Anëtar i Institutit të Studimeve Shqiptare, më 1940 dërgohet në Romë nga min. i Arsimit Ernest Koliqi për të punuar mbi Atlasin Gjuhësor Shqiptar, i cili nuk u krye për arsye të ndryshimeve politike përgjatë Luftës së Dytë Botërore. Në shtator të 1943 u emëruar min. i Arsimit në qeverinë Mitrovica, post të cilin nuk e pranoi. Më 25 janar 1944 i pushkatohet vëllai, Selaudini, nënprefekt i Malësisë së Gjakovës. Në Shqipëri u kthye vetëm pas korrikut 1944. Në 1947, ai u caktua anëtar i Institutit të Shkencave, instituti paraardhës i Universitetit të Tiranës. Nga 1952 deri më 1957, ai shërbeu si profesor i historisë së Shqipërisë dhe fonetikës historike. Në 1972, ai u bë anëtar themelues i Akademisë së Shkencave. Çabej u specializua në gjuhësinë krahasuese indo-evropiane. Veprimtarinë shkencore e shtjelloi në gjuhësi, por edhe jashtë saj, në folklor, etnografi dhe histori të letërsisë. Vend zenë studimet etimologjike dhe leksikologjike historike, dialektologjia e onomastikës si edhe kodifikimi i gjuhës letrare. Çabej ka dhënë një ndihmë të çmuar me një varg sqarimesh etimologjike gjatë hartimit të Fjalorit të gjuhës shqipe të botuar në Tiranë më 1980.
Kalendar
1942 – Mbretëresha Wilhelmina e Hollandës bëhet mbretëresha e parë që sundon për të drejtuar një seancë të përbashkët të Kongresit të Shteteve të Bashkuara.
1945 – Hidhet bomba e parë atomike mbi Hiroshima, në Japoni. Bomba e koduar “Little Boy” u hodh nga një avion ushtarak B-29 Enola Gay i Flotës Ajrore të SHBA. Rreth 80.000 njerëz vriten menjëherë.
1965 – Presidenti amerikan Lyndon B. Johnson nënshkruan në ligj Aktin e të Drejtave të Votimit të vitit 1965.
1990 – Këshilli i Sigurimit i Kombeve të Bashkuara urdhëron një embargo globale tregtare kundër Irakut në përgjigje të pushtimit të Irakut në Kuvajt.
1994 – Vdes në moshën 66 vjeçare, Domenico Modugno. Ishte këngëtar, kantautor, aktor, kitarist, dhe më vonë në jetë, anëtar i Parlamentit Italian. Njihet për këngën e tij hit në 1958 “Nel blu dipinto di blu”.
2012 – Roveri Curiosity e NASA zbarkon në sipërfaqen e Marsit. Curiosity është një rover me madhësi të makinave i dizajnuar për të eksploruar Gale Crater në Mars.
