Kreu i PD-Demokratët Euroatlantikë, Lulzim Basha, ka ndarë një video në facebook nga podcasti i djeshëm me ish të përndjekurit politik. Për këtë ai thotë se programi i PD parashikon krijimin e fondit të Kujtesës, transparencën e plotë të dosjeve të Sigurimit të Shtetit, statusin e të përndjekurit politik, ngritjen e një muzeu kombëtar të kujtesës së totalitarizmit.
Basha shkruan se bashkëpunëtorët e Sigurimit të Shtetit janë investuar që gjithçka të harrohet nga persekutimi komunist.
Kreu i Demokratëve Euroantlatikë Lulzim Basha ka shpalosur dje një pikë të programit të tij për të shkuar drejt zgjedhjeve që do të mbahen në 2025. Edhe pse Basha e di fatin e tij, ai po mundohet që të krijojë një program për të thithur elektorat. Edhe pse për më shumë se tre dekada të persekutuarit ende nuk janë dëmshpërblyer për vuajtjet e tyre, politika vijon ti përdorë për fushatë elektorale. Edhe dje, Lulzim Basha, i cili totalisht i braktisur u shpreh se “bashkëpunëtorët e Sigurimit të Shtetit janë investuar që gjithçka të harrohet nga persekutimi komunist”. Basha tha se programi i PD-së parashikon krijimin e fondit të Kujtesës, transparencën e plotë të dosjeve të Sigurimit të Shtetit, statusin e të përndjekurit politik, ngritjen e një muzeu kombëtar të kujtesës së totalitarizmit. Edhe pse të persekuatit janë në harresë, interesi i tyre nuk është vetëm kujtimi, por edhe dëmshpërblimmi në gjuhën financiare për të gjitha vuajtjet e shkaktuara në burgjet e regjimit. “Për 34 vjet, bashkëpunëtorët e Sigurimit të Shtetit dhe ish-funksionarët e Partisë së Punës kanë investuar gjithçka që të harrohet persekutimi komunist. ‘Bashkëvujtës dhe bashkëfajtor’ amnistoi persekutorët dhe dënoi edhe njëherë të persekutuarit. Kjo duhet të marrë fund! Për këtë, në programin tonë parashikojmë: Krijimin e fondit të Kujtesës, transparencën e plotë të dosjeve të Sigurimit të Shtetit, statusin e të përndjekurit politik, ngritjen e një muzeu kombëtar të kujtesës së totalitarizmit”, tha Basha. Sipas tij, “historia meriton të njihet dhe fëmijët nuk mund të rriten më në errësirë, harresa nuk është rruga e duhur për Shqipërinë”. Lulzim Basha po vazhdon të braktiset nga të djathtët pas marrjes së partisë nga Sali Berisha por nuk ndalet për të rimarrë karrigen e drejtimit të Partisë Demokratike.
