Për disa personazhe, edhe pse kanë një jetë në skenë, nuk mund ta besosh moshën. Forma shumë e mirë e këngëtares Eranda Libohova e bën edhe më të vështirë hamendësimin e viteve të saj. Por ja që vitet janë aty…
Dje, më 11 shtator, Eranda numëroi 55 vite, shumicën prej të cilave në skenë. Bashkë me energjinë e përhershme, Eranda Libohova na tregoi se mosha është thjeshtë një numër.
Eranda ishte pjesë e Maratonës Këngë Moj, në Vizion Plus ku bashkë me kolegët më të mirë të muzikës shqiptare kanë udhëtuar nga Jugu në Veri duke dhuruar netë të paharruara vere në shumë qytete shqiptare.
Performancat e motrave Libohova ishin pa dyshim më të mirëpritura dhe më të duartrokiturat nga publiku. S.B