Ka përfunduar me sukses ndërhyrja kirurgjikale e ish kryeministrit Fatos Nano. Mësohet se Nanos i është vendosur protezë e pjesshme. Fatos Nano do të vijojë të qëndrojë në spital për rehabilitim.
Konkretisht, ish-lideri socialist Fatos Nano ka pësuar frakturë në qafën e femurit të këmbës së majtë. Fatos Nano prej disa muajsh bënte fizioterapi, por gjatë ditës së djeshme teksa bënte ushtrimet e fizioterapisë është rrëzuar duke dëmtuar këmbën e majtë.
Sipas familjes së tij situata e tij shëndetësore është nën kontroll. Gushtin e vitit të shkuar Fatos Nano u përball me një situatë të vështirë shëndetësore.
Lideri historik i Partisë Socialiste iu nënshtrua një intubimi pasi atij i është rikthyer një problem kronik respirator që në gjuhën mjekësore, njihet me SPOK, sëmundje pulmonare obstruktive kronike.
Por pas ndërhyrjes intensive të mjekëve ia doli të kishte një shëndet të stabilizuar./ S,M