Një nga produktet më të pëlqyera nga fëmijët, por edhe të rriturit, patatinat Doritos kanë rezultuar me një përbërës shumë të fortë dhe me një ndikim aspak pozitiv në organizëm. Shkencëtarët në Universitetin e Stanfordit pohuan se një ngjyrues që ndihmon për t’i dhënë patatinave Doritos ngjyrën e tyre portokalli mund ta bëjë lëkurën e miut transparente.
Shkencëtarët në Universitetin e Stanfordit përdorën një ngjyrues të zakonshëm ushqimor i njohur si FD&C Yellow 5, në barkun, lëkurën e kokës dhe gjymtyrët e pasme të një miu. Pas pesë minutash, lëkura e minjve u shndërrua në transparente, duke i lejuar shkencëtarët të shikojnë përmes indeve në strukturat më poshtë, duke përfshirë enët e gjakut dhe organet e brendshme me sy të lirë. Efektet nuk ishin të përhershme. Lëkura e miut u kthye në normale pasi boja u la, shtuan ata.
Revista Nature jep shpjegimin shkencor të lëkurës transparente tek miu: “Teknika funksionon duke ndryshuar mënyrën se si indet e trupit që janë normalisht të errët ndërveprojnë me dritën. Lëngjet, yndyrat dhe proteinat që përbëjnë indet si lëkura dhe muskujt kanë indekse refraktive të ulëta, ndërsa lipidet dhe proteinat kanë indekse të larta, shkruan shëndeti.com. Indet duken opake sepse kontrasti midis këtyre indekseve refraktive shkakton shpërndarjen e dritës. Studiuesit thanë se duke shtuar një bojë që thith fort dritën në inde të tilla mund të ngushtojë hendekun midis indekseve refraktive të komponentëve aq sa për t’i bërë ato transparente.
Ky zbulim në imazhin optik mund të revolucionarizojë kërkimin biologjik duke përmirësuar transparencën e indeve. Studiuesit planifikojnë të vazhdojnë të hulumtojnë dhe të eksperimentojnë me substanca të tjera.
Çfarë mendoni për këtë?
* Kujdes me produkte super të përpunuara, lexoni me kujdes etiketat, mos u mjaftoni vetëm me emrin e markës.
* Kujdes çfarë u ofroni fëmijëve! S.B
