Edicioni i 22-të i “Tirana International Film Festival” (TIFF) dhe “European Film Aëards qualifying” është rikthyer dhe do të zhvillohet nga data 22- 28 shtator 2024. Në lidhje me këtë organizim, aktori Agron Domi ishte i ftuar në librarinë Babel ku dha më shumë detaje se çfarë do të orohet për të gjithë artdashësit përgjatë një jave.
Filmi më i mirë i shkurtër do të kualifikohet për çmimet “Oscars 2025” si dhe “European Film Awards 2024”. Filmat studentorë të përzgjedhur zyrtarisht në TIFF kanë të drejtë të konkurrojnë për çmimet “Student Academy” (SAA).
TIFF ka nisur që prej vitit 2013 si pjesë e 110 festivaleve më të rëndësishme në botë, që ndiqen me vëmendje të posaçme online, por edhe fizikisht nga “HFPA – Hollyëood”. Këtë edicion do të kombinohen mbi 200 premiera të filmave në konkurim në të gjitha kategoritë dhe zhanret. Po ashtu premiera botërore e filmit të mirënjohur “KAPEDANI” të restauruar në 4K do të ketë shfaqjen e vet ekskluzive gjatë TIFF në kinema “Millenium”. Komedia më e suksesshme e kinematografisë shqiptare e cila mbetet akoma një referencë për të gjithë brezat.
Një program i detajuar ofrohet gjithashtu për të gjithë të interesuarit, “Daily Program” që tregon në mënyrë të detajuar se çfarë do të keni mundësi të ndiqni nga data 22 deri më 28 shtator. S.B