Ish-presidenti i Shteteve të Bashkuara, Donald Trump është shprehur se nuk do garojë më për postin e presidentit në vitin 2028, nëse humb zgjedhjet e 5 nëntorit përballë kandidates demokrate, Kamala Harris.
Në një intervistë për Sinclair Media Group, Trump u pyet nëse parashikon se do të garojë edhe një herë në rast se humb kundër kandidates demokrate, Kamala Harris.
“Jo, mendoj se jo. Me kaq do të mbarojë. Nuk mendoj se do ta bëj, por shpresoj që të jem i suksesshëm në këto zgjedhje”, -tha Trump.
Ligji amerikan ua ndalon presidentëve mbajtjen e më shumë se dy mandateve, prandaj Trumpi nuk do të garonte më 2028 as në rast fitoreje këtë vit.
Trump është në garë të fortë kundër demokrates, nënpresidentes amerikane Kamala Harris, pasi sondazhet po tregojnë se gara mes tyre është tejet e ngushtë në shtetet kryesore, të cilat me gjasë do të jenë vendimtare në përcaktimin e fituesit, edhe pse Harris ka filluar ta krijojë një epërsi në sondazhet gjithëkombëtare.
Ish-presidenti i SHBA-së, Trumpi e nisi fushatën e parë për t’u kthyer në Shtëpinë e Bardhë në vitin 2020, ndërsa fushatën e dytë për t’u rizgjedhur e nisi para dy viteve, në nëntor 2022./ S.M
