Donald Trump është shprehur i gatshëm për të nisur procedimet ligjore kundër Google, nëpërmjet Ministrisë së Drejtësisë, në rast se ai rizgjedhet president. Shpjegimi që ai dha është se kompania gabimisht riprodhoi artikuj negativë për të, por jo për kundërshtaren e tij demokrate në garën për Shtëpinë e Bardhë, Kamala Harris. Ankesa erdhi në një postim në Truth Social, siç raportohet nga Guardian.
“U zbulua se Google kishte përdorur në mënyrë të paligjshme një sistem që zbulon dhe shfaq vetëm lajme të këqija për Donald J. Trump, disa prej të cilave janë fabrikuar për këtë qëllim, ndërsa në të njëjtën kohë zbulon vetëm lajme të mira për Kamala Harris”, tha Trump në postimin.
“Ky është AKTIVITET LIGJOR dhe shpresoj që Departamenti i Drejtësisë t’i ndjekë penalisht për këtë ndërhyrje të hapur në zgjedhje. Nëse jo, dhe duke iu nënshtruar ligjeve të vendit tonë, unë do të kërkoj ndjekjen e tyre kur të fitoj zgjedhjet dhe të bëhem President i Shteteve të Bashkuara”, shtoi ai.
Google ka deklaruar se nuk manipulon rezultatet e kërkimit për të përfituar një palë të caktuar.
“Të dy faqet e internetit të fushatës shfaqen vazhdimisht në krye të kërkimit për pyetje të rëndësishme dhe të zakonshme të kërkimit”, tha kompania në një deklaratë./kb
