Mbrëmjen e sotme, në emisionin “Sheshi i Dollarit” po diskutohet për kursin e këmbimit, ku leku është forcuar përballë euros.
Altin Tanku, drejtor i departamentit të kërkimeve në Bankën e Shqipërisë, thotë se ka pasur disa ndryshime strukturore në ekonominë shqiptare që kanë ndikuar në këtë aspekt.
Sipas tij janë ndryshimet strukturore që lidhen me ndryshimet demografike në ekonominë shqiptare dhe me tregun e punës, ndryshimet që lidhen me proceset integruese të ekonomisë që përfshin remitancat dhe ritmet e investimeve të huaja.
“Ajo që ka ndodhur në ekonominë shqiptare, në vlerësimin tonë, është se ka një bashkësi ndryshimesh strukturore të rëndësishme, të cilat kanë sjellë zhvillime ekonomike dhe financiare, rezultatet e të cilave shfaqen në këtë kurs këmbimi të forcuar ose në rritjen e vlerës së lekut kundrejt euros. Rrjedhojë e këtyre ndryshimeve strukturore.
Janë ndryshimet strukturore që lidhen me ndryshimet demografike në ekonominë shqiptare dhe me tregun e punës, ndryshimet që lidhen me proceset integruese të ekonomisë që përfshin remitancat, ritmet e investimeve të huaja dhe kjo ndikon në kurs, ka ndryshime që lidhen me vetë natyrën dhe strukturën e ekonomisë shqiptare. Kemi disa sektorë të cilët nën efektet e përgjithshme ekonomike globale apo të brendshme tkurren dhe disa që rriten dhe të gjitha këto së bashku kanë shkaktuar këtë forcim të lekut. E gjithë ky shpjegim, BSH përdor shprehjen që vjen si rezultat i faktorëve fondamentalë që natyrisht shpjegohen dhe nga statistikat zyrtare, të tregtisë së jashtme, monetare, dhe të sektorit dhe bilancit të pagesave”, tha ai./ S.M