Sot, opozita do të organizojë një protestë kombëtare që do të nisë në orën 18:00 para Kryeministrisë dhe do të përhapet në të gjitha rrugët e kryeqytetit. Partia Demokratike (PD) ka njoftuar se ndryshe nga herët e tjera, në këtë protestë nuk do të ketë fjalime nga politikanët ose mbështetës të tyre.
Flamur Noka, drejtues i PD-së, ka mbledhur sot drejtuesit e partisë për të diskutuar skenarin e protestës, e cila është cilësuar si një formë mosbindjeje civile.
Policia ka përgatitur një plan masash për të siguruar mbarëvajtjen e protestës, me akset në kryeqytet që do të bllokohen për të garantuar rendin. Sipas raportimeve, rreth 1,200 forca policie janë dislokuar në terren për këtë qëllim./ S.M
