Gjykata në Peru ka dënuar ish-presidentin Alejandro Toledo me 20 vjet e gjashtë muaj burg, për korrupsion dhe pastrim parash. Prokurorët thonë se ai mori 35 milionë dollarë ryshfet nga një kompani ndërtimi braziliane, së cilës iu dha një kontratë për të ndërtuar një rrugë në jug të Perusë.
Gjykatësja Inés Rojas tha se peruanët i kishin “besuar” Toledos si presidentin e tyre, “i ngarkuar me menaxhimin e financave publike” dhe përgjegjës për “mbrojtjen dhe sigurimin e përdorimit të saktë” të burimeve.
Në vend të kësaj, ajo u citua të ketë thënë se ai kishte “mashtruar shtetin”. Në anën tjetër, Toledo i ka mohuar akuzat ndaj tij dhe të hënën ka qeshur herë pas here, veçanërisht kur gjyqtari po fliste.
Në vitin 2019, një tjetër ish-president peruan, Alan García, qëlloi veten kur policia mbërriti në shtëpinë e tij për ta arrestuar mbi akuzat për ryshfet që përfshinte Odebrecht, i cili që atëherë ka ndryshuar emrin në Novonor./e.t
