Kryeministri Edi Rama gjatë takimit me strukturat tatimore tha se është koha që pensionistët të marrin atë që u takon dhe bizeneset duhet të paguajnë detyrimet e tyre.
Ndër të tjera, Rama shtoi se nuk do të pranohen më deklarime pagash që nuk i besojmë, nëse refuzimin e deklarimit nuk e pranojnë atëherë do përballen me masa ekstreme deri në falimentimin e biznesit.
“Sipërmarrësi i thotë punonjësit merri në dorë lekët se s’ka taksa, dhe kështu ai dëmton pensionistët dhe atë punonjësin që nesër do të dalë në pension. Ne jemi vendi që figuron me akomodin më të ulët se në të gjitha vendet e rajonit, ndërkohë që Shqipëria ka vetëm rritje turistësh dhe kjo mua s’më bën sens. Ata rrugës nuk flenë, unë s’kam parë ndonjë turist rrugëve, apo parqeve. Ata thjesht nuk figurojnë në hotele.
Nga rritja ekonomike nuk po përfitojnë pensionsitët, por të gjthë të tjerët po. Ky është momenti i faturave të energjisë, ku gjysma paguante dhe për gjysmën tjetër, pjesa tjetër nuk paguante. Pensionistëve duhet tu shkojë ajo që u takon.
Ne do ndajmë buxhet për pensionistët dhe tjetra do jetë ajo që ne marrim nga bizneset për t’ua dhënë pensionistëve. Nuk do të pranojmë deklarime pagash që nuk i besojmë. Do bazohemi te analizat e tregut.
Do përfundojnë në burg nëse nuk pranojnë kthimin mbrapsht të deklarimit të pagës nëse ne nuk e bsojmë. Do ketë masa eksterem deri në falimentimin e biznesit. Merreni seriozisht”/ S.M