Tradita e hedhjes së orizit mbi çiftet martuar ka origjinën nga një legjendë e lashtë kineze. Tregohet se një herë një gjeni i mirë, i prekur nga mjerimi i fshatarëve të varfër, hoqi dhëmbët e tij dhe i hodhi në një kënetë. Pas këtij akti të pazakontë, nga vendi i dhëmbëve të mbjellë u rritën bimë, frutat e të cilave, pasi u hiqej lëkura, shkëlqenin të bardha si dhëmbët. Që atëherë, në çdo vend ku rritet orizi, nuk ka më uri, por vetëm bollëk dhe begati.
Në kulturën aziatike, orizi është simbol i bollëkut dhe ushqim thelbësor për mijëra vite. Hedhja e orizit mbi çiftet simbolizon urimin për jetë të pasur dhe me harmoni. Një thënie kineze thekson rëndësinë e tij: «Njëri punon dhe të nëntë hanë oriz», duke nënkuptuar se kultivimi i orizit siguron ushqim për të gjithë. S.B
