Kryeministri Edi Rama ishte sot në një takim me shqiptarët që jetojnë në Selanik.
Një nga pyetjet që i erdhi nga salla, ishte për votën e emigrantëve, ndërsa Rama u shpreh se do të rishikohet mundësia që këtë vit të mos ketë kosto për emigrantët.
“Për të gjithë ata që do të duan të votojnë nga aty ku janë, do të bëhet me postë, fleta do të vijë me zarf.
Jemi duke diskutuar dhe dërgimin mbrapsht që të mos ketë kosto për ata që do jenë zgjedhësit e parë nga jashtë”, tha Rama.
Kryeministri Rama u pyet gjithashtu në lidhje me mundësinë e shtimit të linjave ajrore Selanik-Tiranë.
“Është e vërtetë që distanca sado që është përmirësuar, sa i përket për shtim të linjave ajrore jemi duke e diskutuar për një plan të ri investimi, këtë çështjen e Selanikut do e diskutojmë”, tha Rama./ S,M
