Dy kandidatët Donald Trump dhe Kamala Harris mbajtën pak më parë dhe fjalimet e fundit, ndërsa tashmë fjalën e kanë qytetarët amerikanë, të cilët me votë do të zgjedhin presidentin e ardhshëm të Amerikës.
E teksa qytetaret po u drejtohen kutive të votimit dy kandidatët ndodhen në vende të ndryshe, duke zhvilluar aktivitete të ndryshme.
Pra, çfarë do të bëjnë ata ndërsa presin rezultatin e votimit?
Kamala Harris do të kalojë ditën sot në Uashington DC duke marrë pjesë në intervista në radio, raporton CNN. Ajo më pas do të mbajë festën e saj të vëzhgimit të natës zgjedhore në Universitetin e saj Alma Mater Howard.
Një zyrtar me njohuri për planet e saj tha se ajo ka ftuar edhe donatorët kryesorë në një konferencë zgjedhore, që sipas parashikimeve do mbahet herët gjatë orëve të para të mëngjesit të së mërkurës.
E ndërkohë, Donald Trump pritet të mbajë një festë natën e zgjedhjeve në West Palm Beach, Florida, ku do të presë edhe rezultatin e zgjedhjeve./ S,M
