Muzeu Rijksmuseum, në kryeqytetin e Holandës, Amsterdam, i cili është muzeu më i madh në vend dhe ndër më të vizituarit në botë, tërheq vëmendjen e vizitorëve.
Rijksmuseum, është një muze kombëtar holandez i vendosur në Museumplein në Amsterdam. Në muze janë ekspozuar pjesë të artit, artizanatit dhe historisë. Muzeu ka një koleksion të madh pikturash nga Epoka e Artë holandeze dhe një koleksion i konsiderueshëm të artit aziatik.
Muzeu përmban piktura nga piktorë të njohur botërisht si Rembrandt, Jacob van Ruysdael, Frans Hals, Johannes Vermeer, Jan Steen, e shumë të tjerë. Muzeu strehon gjithashtu bibliotekën më të madhe të historisë së artit në Holandë.
Muzeu u themelua në Hagë në vitin 1800 për të ekspozuar koleksionet e sundimtarëve të qytetit holandez, të quajtur “stadhouders”.
Muzeu në 1808 u zhvendos në Amsterdam me urdhër të Louis Bonaparte, vëllai i Napoleon Bonapartit, mbretit të Holandës. Pikturat në pronësi të qytetit të Amsterdamit, duke përfshirë ‘The Night Watch’ të Rembrandt, u përfshinë në koleksion./K.B
