Avokati Kujtim Cakrani ishte i ftuar në një emision televiziv ditën e sotme, ku ka folur në lidhje me çështjet kryesore që po heton sot SPAK.
Ai u ndal tek arrestimi i Metës, për të cilin tha se është arrestuar pa prova. Madje avokati shkoi dhe më tej, teksa deklaroi se Meta nuk ka para në asnjë llogari bankare, nuk ka asnjë pasuri, e madje as banesë ku të jetojë.
“Ndaj Ilir Metës është marrë një masë arresti pa asnjë provë. Nuk ka asnjë provë konkrete për çfarë është ndaluar Ilir Meta. Nëse e kemi parë dosjen e Metës, më thoni ku është korrupsioni i Metës? Këta e mbartën malin, ‘Ka vjedhur floririn, ka bërë këtë, ka bërë atë’ dhe në fund fare pastaj, del q Meta nuk ka asnjë banesë ku të jetojë. Në korespodencat që ka sot SPAK-u nga vendet e tjera, i kanë ardhur zero të dhëna për Metën. Ka bërë kërkesë për pasurinë, i ka ardhur zero, për bankat i ka ardhur zero. Ai mbahet në burg sepse është drejtësi ikuizitore.”- tha avokati./e.t
