Eurostat ka publikuar listën e të dhënave të cilat rendisin vendet me popujt më obezë në Europë. Pjesë e kësaj liste është edhe Shqipëria e cila numëron një përqindje tepër të lartë për njerëzit që janë mbipeshë.
Sipas shifrrave, 56.5% e shqitarëve mbi moshën 16 vjeç konsiderohen mbipeshë, duke e bërë Shqipërinë të renditet e 11-ta mes vendeve të tjera Europiane dhe me nivelin më të lartë të obezitetit në rangun europian.
Më të shëndoshët e Europës janë maltezët, 62% e të cilëve konsiderohen mbipeshë. Pas tyre vjen Finlanda (59.5), Letonia (59.2), Rumania (58.9), Lituania (58.5), Polonia (57.8), Hungaria (57.5), Sllovakia (57.5), Kroacia (57.2), Turqia (57.1) dhe më pas Shqipëria (56.5).
Më elegantët e Europës janë italianët, që kanë dhe përqindjen më të ulët të obezitetit, me 41.3%, të ndjekur nga zviceranët (45.2%) dhe francezët (45.4%). Në rajon, për elegancë kryeson Mali i Zi, që e ka treguesin ndër më të ulëtit në Europë (47%). Për Serbinë ky tregues është 51.8%, ndërsa mungojnë të dhënat për shtetet e tjera të Rajonit. Maqedonia e Veriut e kishte këtë tregues 55 në vitin 2017.
Përqindja e njerëzve të moshës 16 vjeç e lart që konsideroheshin mbipeshë (para-obez dhe obez) në vitin 2022 ishte 50.6% në Bashkimin Europian.
/E.S
