Inteligjenca Artificiale prej vitesh ka shtrirë ndikimin e saj në të gjitha sektoret, teksa një zhvillim i rëndësishëm vjen nga Australia, më konkretisht në Universitetin e Sidneit, aty ku studiuesit kanë bërë të mundur krijimin e SwagBot, një robot i cili pritet të përmirësojë efikasitetin e blegtorisë.
Sipas këtyre studiuesve, qëllimi i këtij roboti është që të garantojë një mjedis më miqësor për të parandaluar degradimin e tokës.
“Sapo tufa të mësohet me robotin, ajo do ta ndjekë atë nëpër kullota”, tha profesoresha e robotikës në Universitetin e Sidneit, Sala Sukarije, ekipi i së cilës krijoi SwagBot.
SwagBot u lançua për herë të parë në vitin 2016 si një robot i thjeshtë blegtoral i aftë për të përshkuar një terren të ashpër dhe tani është i pajisur me sensorë, inteligjencë artificiale dhe sisteme të mësimit të makinerive.
Një robot në formë lope që punon me bateri tani mund të përcaktojë cilësinë e kullotave dhe të monitorojë shëndetin e bagëtive, më pas ta përdorë atë informacion për të zhvendosur tufën në kullotat më të mira përpara se toka ku ndodhet të shkatërrohet,
Australia është një nga eksportuesit më të mëdhenj në botë të viçit dhe ka rreth 30 milionë krerë bagëti. Përdorimi i robotëve në blegtorinë në Australi është veçanërisht i përshtatshëm për vende të largëta ku puna është e vështirë për t’u gjetur.
/E.S
