Viti 2024 është pasqyruar me plot ngjarje dramatike në arenën e shoëbizit ndërkombëtar, duke filluar nga skandalet që përfshinë artistët e kahmotshëm të skenës, gjithashtu edhe ndarjet e çifteve të njohura.
Përmbyllja e vitit 2024 pa fundin e marrëdhënieve të çifteve të famshëm në botën artistike. Nga martesat e gjata e deri te romancat e stuhishme, këto ndarje i lanë fansat me zemër të thyer e po ashtu të intriguar.
Ja cilat çifte i dhanë fund lidhjeve të tyre në showbizin ndërkombëtar në vitin që lamë pas:
Ndarja më e diskutuar në sferën e showbizit ndërkombëtar ka qenë pa dyshim ajo mes Jennifer Lopez dhe Ben Affleck. Romanca e rindezur e tyre mori fund në vitin 2024. Pasi u martuan në vitin 2022, dyshja u ndanë në prill, ndërsa Lopez paraqiti kërkesën për divorc në gusht.
Channing Tatum dhe Zow Kravitz
Aktorët, të cilët filluan relacionin në vitin 2021, i dhanë fund lidhjes së tyre në tetor 2024. Ndarja gjithashtu bëri që çifti të ndërpresë fejesën e tyre, duke lënë fansat të tronditur.
Sacha Baron Cohen dhe Isla Fisher
Pas 13 vjetësh martesë, Sacha dhe Isla njoftuan ndarjen e tyre këtë vit. Pavarësisht ndarjes së tyre, çifti mbetet i përkushtuar për t’u kujdesur për fëmijët e tyre.
Cardi B dhe Offset
Të njohur për marrëdhënien e tyre të zjarrtë dhe shpesh transparente, Cardi B dhe Offset gjithashtu janë çifti që i dhanë fund lidhjes në vitin 2024.
Barry Keoghan dhe Sabrina Carpenter
Aktori dhe këngëtarja i dhanë fund romancës së tyre njëvjeçare për shkak të orarit të ngjeshur dhe prioriteteve të karrierës, duke zgjedhur të fokusohen në rritjen e tyre individuale.
Landon Barker dhe Charli D’Amelio
Çifti i ri, i pëlqyer shumë nga gjenerata Z, i dhanë fund lidhjes së tyre në shkurt pas më shumë se një viti lidhje.
Machine Gun Kelly dhe Megan Fox
Çifti njoftoi se po prisnin një fëmijë në fillim të këtij viti, por marrëdhënia e tyre mori një kthesë nga Dita e Falënderimeve, kur u ndanë zyrtarisht/K.K
