Uniformat e bardha janë sot në zi për ndarjen nga jeta të kolegut dhe mikut të tyre, Dr. Spiro Leka. Dr. Pirro ishte mjek dhe kirug, profesionist i përkushtuar, i cili pjesën më ë madhe të jetës së tij ia kushtoi profesionit dhe mjekësisë.
Kirugu Spiro Leka do të mbetet i paharruar në rradhët e uniformave të bardha për kontributin e tij në fushën e mjekësisë dhe kirurgjisë, një model frymëzimi për të rinjtë, kolegët dhe të gjithë ata që patën fatin ta njihnin nga afër.
“Me hidhërim të thellë mësojmë lajmin për ndarjen nga jeta të Dr. Spiro Leka (Dr. Pirro), mjek kirurg, një profesionist i shkëlqyer, i papërtuar dhe një njeri me zemër të madhe. Gjatë karrierës së tij të shkëlqyer, ai u përkushtua për shëndetin dhe mirëqenien e pacientëve, duke lënë pas një trashëgimi të vyer humanizmi dhe profesionalizmi.
Dr. Pirro do të mbahet mend jo vetë si një profesionist që dha shumë në fushën e kirurgjise, por edhe si një intelektual, njeri kurajoz e me zemër të madhe që ka mbështetur e inkurajuar shumë bluza të bardha në karrierën e tyre si një model frymëzimi për kolegët, miqtë dhe të gjithë ata që patën fatin ta njohin. Ngushëllimet tona më të sinqerta shkojnë për familjen, miqtë dhe të afërmit në këtë humbje të pazëvendësueshme. Qoftë i paharruar kujtimi i tij!” njofton Qendra Spitalore Berat./ S,M
