Një ndërhyrje e vështirë kirurgjikale është realizuar në Qendrën Spitalore Universitare “Nënë Tereza” në shërbimin e Neurokirurgjisë. Nëpërmjet teknikës mini-invazive përmes vetullës, mjekët i kanë hequr plotësishtë tumorin në kokë një 34-vjeçareje.
“E veçanta e kësaj është që nuk u përdor rruga klasike e prerjes, por heqja nga vetulla. E cila sjell shërim të shpejtë, dhimbje minimale dhe më e rëndësishme ajo e heqjes së tumorit.”
Për heqjen e tumorit të Meningioma përdoren disa teknika tregon mjeku Neurokirurg Artur Xhumari, ndërsa referuar rastit në fjalë kjo teknikë shmangu shenjën pas operacioni si dhe humbjen e nuhatjes te 34 vjeccarja.
“Përzgjidhet në varësi të sëmundjes që ke për tu trajtuar. Kemi 2-3 teknika, në varësi zgjidhet. Por kësaj rradhe duke dasht me heq prerjen e madhe të trurit, zgjodhëm këtë.”
Meningioma është tumor i shpeshtë në vendin tonë, dhe kryesishtë prek femrat. Një dhimbje e shpeshtë kokë nuk duhet neglizhuar thotë mjeku Xhumari, pasi kapja në kohë e sëmundjes lehtëson trajtim e saj.
“E keqja e këtij tumori është shumë problem. E hoqëm në masën 3 cm por, mund të shkoj edhe në 5-6cm. Nëse bëhet 6 cm vjen me shenja më të mëdha, ngel në shtrat. Është vonë pastaj me përmirësuar situatën….”
Në një vit në vendin tonë realizohen rreth 1 mijë operacione nga Meningioma./kb
