Kërkesa e Partisë Demokratike lidhur me zgjedhjet e pranverës dhe për aksesin në votim të qytetarëve pa kartë identiteti ka ngjallur reagime mbi transparencën e procesit.
Juristja Brisida Gjikondi u shpreh se kjo kërkesë është pa sens dhe është pjesë e një pazari. Sipas juristes, kjo gjë bie ndesh me sovranitetin dhe asnjë shtet serioz nuk mund ta pranojë.
Gjikondi shtoi ndër të tjera se janë presione pazari dhe se fatet e një kombi nuk mund të jenë pjesë e pazareve dhe jo pjesë e një vizioni të përbashkët.
“Fjala e tyre e parë është kundërshtimi dhe jo ulja me këmbë në tokë. Në tetor të 2024 BE ka vendosur që të gjitha vendet e BE të pajisen me këtë kartë digjitale për punët e përditshme.
Edi Rama ka një prej kartave të tij të forta, digjtalizimin psh Kadastra etj dhe do t’i tregojë Europës që aspirtat e tij janë njësoj me Europën.
Kjo e zonjës Dhurata Çupi është pa sens dhe është në kuadër të opozitës që është një patë qorre që nuk di nga shkon.
I ka rënë dhe efekti i gjërave që hyn në pazar. Përsa i përket marrëveshjes që kërkuan të arrihej sot është një skandal i madh edhe kushtetues edhe ligjor, që kërkojnë që të votojnë pa asnjë mjet identifikimi.
Jo vetëm Kushtetuta përcakton, kemi ligjin për kartat e identitetit. Bie ndesh me sovranitetein. Ata janë gjithmonë tek pjesa e qasjes për pazar.
Asnjë vend i botës dhe asnjë shtet serioz nuk mund të pranojë të votojnë pa kartë identiteti. Ai person nuk ka begenisur të shkojë të bëj një kartë identiteti.
Këta thonë që ata që s’kanë pasur asnjëherë kartë dhe pasaportë të votojnë. Kjo është pazar. Të dy krahët e politikës i shoh që njëri ka cfarë jep dhe tjetri që kërkon. Janë presione pazari. Kjo është shumë e shëmtuar e trishtë sepse nuk duhet që fatet e kombit të jenë pjesë e pazareve dhe jo i një vizioni të përbashkët.”/ S,M
