A do të tërhiqet Fedez nga Sanremo? Jo, ekipi i tij e ka mohuar. Thashethemet kanë qarkulluar prej disa ditësh, pasi zbulimet rreth jetës së tij private kanë zënë hapësirën e mediave dhe kanë eklipsuar pjesëmarrjen e tij në Festivalin e Sanremos.
Disa janë të bindur që Fedez mund të tërhiqet përpara datës 11 shkurt, dita e nisjes së Sanremos, dhe disa mendojnë se ai mund ta lërë garën para finales.
Padyshim, këto nuk janë ditë të lehta për reperin. Fillimisht, zbulimet e Fabrizio Corona, i cili në kanalin e tij në YouTube zbuloi lidhjen e tij të supozuar me Angelica Montini, lidhje që do të kishte ndodhur gjatë martesës me Chiara Ferragni në vitin 2018.
Më pas, një përgjigje e ashpër nga ish-gruaja e tij, e cila shprehu tërë zhgënjimin e saj. Në këtë stuhi thashethemesh, Fedez ka ndërhyrë vetëm një herë nëpërmjet Instagram stories për të dhënë versionin e tij të ngjarjeve.
Dhe pastaj sërish heshtje. Në pritje të episodit të ardhshëm të Coronas më 10 shkurt, i cili premton të zbulojë dashurinë e vërtetë të Chiara Ferragni.
Pra, Fedez po tërhiqet nga Sanremo? Ekipi i tij nuk e konfirmon këtë: reperi vazhdon të bëjë prova për performancën në Ariston dhe rezervimet për shtëpitë në Sanremo janë të konfirmuara. Nuk ka asnjë mundësi të tërheqjes në tryezë, sqaron zyra e shtypit./E.T
